Шығармашылық: Студентік шәкіртақылар

ҚОРДЫҢ СТУДЕНТТІК ШӘКІРТАҚЫЛАРЫ

Қордың атаулы студенттік шәкіртақылары студенттердің оқу, ғылым және шығармашылық қызметтерін марапаттау үшін беріледі. Шәкіртақы байқау қорытындысы бойынша дербес беріледі және жалпыға ортақ белгіленген шәкіртақыдан бөлек төленеді.

Байқауға тегін және ақылы негізде білім алатын студенттер қатыса алады.

ҮМІТКЕРЛЕР

Байқауға келесі талаптарға сәйкес келетін ҚР жоғары оқу және орта арнайы білім орындарының күндізгі оқу бөлімінің студенттері қатыса алады:

  • Кемінде екі оқу курсын жақсы аяқтағандар;
  • Академиялық үлгерімнің максималды көрсеткіші болатындар (үздік үлгерім);
  • Оқу орнының кафедралары мен бөлімшелерінің қоғамдық, ғылыми-зерттеу және тәжірибелік жұмыстарына белсенді қатысатын;
  • Студенттер мен оқытушылар арасында беделге ие болатын.

БАЙҚАУ КЕЗЕҢДЕРІ

Байқау екі кезеңде өткізіледі:

  • оқу орнының ішінде атап өкрсету үшін үздік студенттерді іріктеу;
  • республикалық турды оқу орындары атап көрсеткен және байқауға жіберілген студенттер арасында Қор өткізеді.

ӨТІНІШ БЕРУ

Оқу орны көрсетілген мерзімде қажетті құжаттардың тізімімен бірге байқау өтініштерін беруді жүзеге асырады (Қордың студенттік шәкіртақысын беру ережелерін қараңыз). Оқу орнының мөрімен расталған бір дана өтініш барлық қосымша құжаттармен беріледі.

Өтініштерді қабылдау әдетте маусым-қыркүйекте жүзеге асырылады.

ШӘКІРТАҚЫ БЕРУ

Шәкіртақы иегерлерін Қордың құрамында кемінде 5 мүшесі бар байқау комиссиясы анықтайды. Комиссия шешімі қарапайым ашық дауыс беру арқылы қабылданады.

ҚОСЫМША ШАРТТАР

Байқау комиссиясы үміткерлерді әңгімелесуге шақырады және оқу орындарынан қосымша мәліметтер мен құжаттар сұрата алады.

Тең түскен жағдайда басымдық өз жетістіктерін сертификаттарымен, мақтау қағаздарымен, баяндамаларымен, жарияланымдарымен, жүлделерімен растаған, сондай-ақ халықтың әлеуметтік осал тобына жататын үміткерлерге беріледі.

ШӘКІРТАҚЫ ТӨЛЕМІ

Шәкіртақы мөлшерін Қор бір оқу жылына белгілейді және ай сайын оқу мерзімінде (маусым, шілде, тамыз айларын қоспағанда) төленеді.

Шәкіртақы төлемі Қор мен шәкіртақы алушы арасында шартқа қол қойылғаннан кейін жүзеге асырылады.

Шәкіртақы төлемі келесі жағдайларда тоқтатылады:

  • оқу мерзімінің аяқталуы;
  • студенттің академиялық демалысқа кетуі;
  • студенттің басқа оқу орнына, оның ішінде алмасу шеңберінде өтуі (ауыстырылуы);
  • академиялық үлгерім көрсеткіштерінің төмендеуі (кезекті сессия қорытындысы бойынша);
  • студенттің оқу орнынан шығарылуы;
  • шәкіртақы алушының қоғамдық тәртіпті және/немесе оқу тәртібін бұзуымен байланысты әрекет жасауы.

КЕРІ БАЙЛАНЫС

+7 (727) 220 92 14 – Исмаилов Тимур Мұратұлы

+7 (727) 220 92 24 – Едігеева Роза Мақашқызы